Ilinniagaqarnermut paasissutissat Naatsorsueqqissaartarfimmit suliat

Naatsorsueqqissaartarfik Ilinniagaqarnersiuteqartitsivimmit Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfiup ataaniittumit Naatsorsueqqissaartarfik Kalaallit Nunaanni avataaniluunniit piginnaanngortitsisussanik ilinniartunut paasissutissanik pisarpoq. Paasissutissat Naatsorsueqqissaartarfimmi nalersorneqariarlutik ilinniagaqarnermut kisitsisitigut paasissutissiarineqartarput. Paasissutissat periutsillu pillugit annertunerusumik paasisaqarusukkuit Ilinniartitaanermut paasissutissani Naatsorsueqqissaartarfimmit ukiumoortumik saqqummiunneqartartumi pineqarsinnaapput.

 

Naatsorsueqqissaartarfimmit kisitsitsisinik paasissutissat UNESCO’p malittarisassiai ISCED2011-it malillugit suliarineqartalerput. Tamatuma kingulerisaanik ilinniarfiit ukununnga immikkoortiterneqarsinnaalerput, inuussutsissarsiutinik tunngaviusumik ilinniarnerit (sivisunerpaamik ukiut marluk), bacheloritut nalilimmik akunnattumik sivisussusilimmik ilinniarnerit kiisalu kandidatitut nalilimmik sivisuumik ilinniarnerit.